Эрхэм зорилго: Хүн амын хэрэгцээнд нийцсэн чанартай, аюулгүй, хүртээмжтэй эрүүл мэндийн тусламж үйлчилгээг нэвтрүүлэх*********Алсын хараа: Эрүүл аюулгүй амьдралыг хүн бүрт.....


Аймгийн хэмжээнд 2019 оны эхний 5 сарын байдлаар нийт 520 эх амаржсан нь өнгөрсөн оны мөн үеэс төрөлт 43 тохиолдлоор буурсан байна. Амьд төрсөн 522 хүүхдийн: 52.3% нь эрэгтэй , 47.7 % нь эмэгтэй, 2.3 % нь 2500 граммаас доош бага жинтэй төрсөн. Аймгийн хэмжээнд өссөн дүнгээр 0-5 хүртлэх насны 5 хүүхэд /амьсгалын замын болон нярайн эмгэг, осол / эндэж, 1000 амьд төрөлтөд ногдох нялхсын эндэгдэл /0-1 нас/ -5.7 промил болж өмнөх оны мөн үеэс 8.5 промилоор, хүүхдийн эндэгдэл /0-5 нас/ -9.6 промил болж өмнөх оны мөн үеэс 6.3 промилоор тус тус буурсан байна. 2019 оны эхний 5 сард нийт 775 жирэмсэн эхчүүдийг жирэмсний хяналтанд авснаас жирэмсний эрт үеийн хяналт 89% болж өмнөх оны мөн үеэс 2.5%-р нэмэгдэж, хожуу үеийн хяналт 1,5% болж өнгөрсөн оны мөн үеэс 0,1-ээр нэмэгдсэн. 2019 оны 5 сард Халдварт бус өвчний 37234 тохиолдол бүртгэгдэж, 10000 хүн амд 5352,7 ногдож өмнөх оны мөн үеэс 579,2-оор нэмэгдсэн нь эрт илрүүлэг, явуулын амбулаторийн үзлэгүүд хийгдэж үзлэг оношилгоо нэмэгдэж байгаатай холбоотой байна. Аймгийн хэмжээнд эмнэлэгт 7389 хүн хэвтэн эмчлүүлж өмнөх оны мөн үеэс 201 хүнээр буурч, нийт 53004 ор хоног ашиглаж, дундаж ор хоног 7,1 байна. Амбулаторийн үзлэг 171495 болж өмнөх оны мөн үеэс 17544 үзлэгээр өссөн. Үүнд:Өвчний учир үзлэг 3.3%-р буурч 40.2% , Урьдчилан сэргийлэх үзлэг 0.8%-р нэмэгдэж 34,6% , Идэвхтэй хяналтын үзлэг 13,7% болж өмнөх оны мөн үеийн түвшинд, Гэрийн идэвхтэй хяналтын үзлэг 2,6%-р нэмэгдэж 9,7% ,Гэрийн дуудлагын үзлэг- 0,1%-р буурч 1.8% байна. Халдварт өвчний 407 тохиолдол бүртгэгдэж 10000 хүн амд ногдох халдварт өвчин 58.5 болж өмнөх оны мөн үеэс 13.6-аар өссөн байна. Нийт халдварт өвчний 56.3%-ийг БЗДХ эзэлж, 10000 хүн амд 32.9 ноогдож, өмнөх оны мөн үеэс 8.3–оор өссөн. /тэмбүү-18, трихомониаз-32, заг хүйтэн-7 тохиолдлоор тус бүр нэмэгдсэн/ Нийт халдварт өвчний 34.2%-ийг амьсгалын замын халдвар эзэлж, өмнөх оны мөн үеэс 2.5%-иар өсч, гэдэсний халдвар 5,7%-ийг эзэлж, өмнөх оны мөн үеэс 3,8%-иар буурсан байна. Түргэн тусламжийн үйлчилгээ: 2019 оны эхний 5 сард аймгийн хэмжээнд түргэн тусламжийн үйлчилгээ өмнөх оны мөн үеэс 53-аар нэмэгдэж, нийт 8750 хүнд үйлчилсний 84,7% нь төвийн дуудлага, 15,3% /1339/-ийг алсын дуудлага тус бүр эзлэж, нийт дуудлагын 4,4%-ийг осол гэмтлийн дуудлага эзэлж өмнөх оны мөн үеийн түвшинд байна. Нас баралт: Аймгийн хэмжээнд нийт 167 хүн нас барсан нь өмнөх оны мөн үеэс 4.2% /7 хүн/- ээр нэмэгдсэн. Нийт нас баралтын 22.2%-ийг эмнэлгийн нас баралт эзэлж, үүний 73% /27/ аймгийн Нэгдсэн эмнэлэг, 5,4% /2/ Замын-Үүд сумын Нэгдсэн эмнэлэг, Иххэт, Дэлгэрэх сумын ЭМТ, Айраг, Алтанширээ, Хатанбулаг сумдын ЭМТ-үүд, Зүүнбаян сум дундын эмнэлэг тус бүр 2,7% /1/ тохиолдол бүртгэгджээ. Эмнэлгийн нас баралтын 43,2%-ийг хоног болоогүй нас баралт эзэлж, өмнөх оны мөн үеэс 11.6%-иар нэмэгдсэн ба аймгийн Нэгдсэн эмнэлэг-62.5% /10/, Замын-Үүд сумын Нэгдсэн эмнэлэг, Иххэт сумын ЭМТ тус бүр- 12,5 /2/, Алтанширээ, Дэлгэрэх сумын ЭМТ- 6,3% /1/ тус бүр бүртгэгдэж, шалтгаан нь зүрх судас, амьсгал, мэдрэл, осол гэмтэл зэрэг өвчлөлүүд байна. Нийт нас баралтын 19,8%-ийг осол гэмтлийн шалтгаан нас баралт эзэлж өмнөх оны мөн үеэс 0,2%-аар буурсан, зам тээврийн осол, амиа хорлолт, бусдад хорлогдсон, үйлдвэрийн, ахуйн ослын шалтгаант нас баралтууд бүртгэгдсэн байна. Зам тээврийн осол өмнөх оны мөн үеэс 1%-иар буурч 33,3% болж гэмтлийн нас баралт нэмэгдсээр байна. Амиа хорлосон, үйлдвэрийн осол нэмэгдэж, бусдад хорлогдсон, зам тээврийн, ахуйн, архины зэрэг осол гэмтлийн нас баралтууд бага зэрэг буурсан байна. Осол гэмтлийн шалтгаант нас баралтыг байршлаар: Замын-Үүд сум / Замын-Үүд сумын Нэгдсэн эмнэлэг-3,0%, Борхойн наран өрхийн ЭМТ –27,3%/ , Айраг сумын ЭМТ-15,2% , Аймгийн Нэгдсэн эмнэлэг-12,1% , Сайхандулаан, Дэлгэрэх, Хатанбулаг сумын ЭМТ, Мишээлт-Мана өрхийн ЭМТ-6,1% , Даланжаргалан, Иххэт, Өргөн, Улаанбадрах, Хөвсгөл, сумын ЭМТ-үүд тус бүр-3,0% бүртгэгджээ. 1%



  • alt


  • alt


ХҮҮХДИЙГ ХЭРХЭН ЖИНЛЭХ

Дараах шаардлагуудыг хангасан жингээр хүүхэд жинлэхийг зөвлөж байна:

  • Чанартай материалаар хийгдсэн, бат бөх байх
  • Цахилгаан
  • 150 кг хүртэл жинлэх хүчин чадалтай
  • 100 граммын буюу 0,1 кг-ын нарийвчлалтай
  • Багцлан жинлэх боломжтой

Дараах шаардлагуудыг хангасан жингээр хүүхэд жинлэхийг зөвлөж байна:

  • Чанартай материалаар хийгдсэн, бат бөх байх
  • Цахилгаан
  • 150 кг хүртэл жинлэх хүчин чадалтай
  • 100 граммын буюу 0,1 кг-ын нарийвчлалтай
  • Багцлан жинлэх боломжтой

Багцлан жинлэх

  • Багцлан жин нь тухайн хүнийг жинлэсний дараа, жингээс буугаагүй зогсож байхад 0 заалт дээр буцаж заадаг жин юм. Тиймээс эх жин дээр зогсож, жинлэсний дараа, жин буцаж тэглэнэ. Жин дээрээс буулгүйгээр хүүхдээ авч тэврэхэд жингийн дэлгэцэн дээр хүүхдийн жин дангаар гарна.
  •  Багцлан жинлэх нь 2 давуу талтай:
  • Хүүхдийн жинг тусд нь бодохын тулд хасах үйлдэл шаардлагагүй
  • Эх нь тэврээд жинлэх үед хүүхэд маш тайван байна

2 хүртлэх настай хүүхдийг жинлэх

  • Хэрэв хүүхэд 2 хүртлэх настай буюу зогсож чадахгүй бол багцын жинг хэрэглэнэ.
  • Багцлан жинлэх явцад эхэд юу хийх ёстойг тайлбарлаж өг:
  • Эх гутлаа тайлан жин дээр зогсож жинлүүлнэ. Ингэхдээ, жингийн асаах цонх болон дэлгэцийг халхлахаар урт хормойтой хувцастай бол хормойг шуух хэрэгтэй.
  • Жингийн дэлгэцэн дээр эхийн жин гарсны дараа жин дээрээс буулгүй зогсож байхыг сануул.
  • Жингийн асаах цонхыг халхалснаар жинг эргэж тэглүүлнэ.
  • Хүүхдийг эхэд нь өгч тэврүүлнэ.
  • Хүүхдийн жин жингийн дэлгэц нь дээр гарч ирнэ.
  • Хүүхдийн жинг тэмдэглэнэ.

Хүүхдийг ганцааранг нь жинлэх

  • Хүүхэд 2 -оос дээш настай бол ганцааранг нь зогсоож жинлэнэ. Хүүхдэд энэ тухай тайлбарлана.
  • Хүүхдийн хувцсыг тайл. Хүүхдийн хувцсыг тайлснаар үнэн зөв жин гарна. Хүүхдийн хувцсыг тайлахад өрөө хэтэрхий хүйтэн ба хүүхэд татгалзсан тохиолдолд хүүхдийг хувцастай нь жинлэж, өсөлтийн хүснэгтэнд хувцастай гэдэг тайлбар бичнэ.
  • Жинг асаагаад асаах цонхыг секунд орчим хугацаатай халхал. Дэлгэцэн дээр “0” тоо гарахад жинг ажиллуулахад бэлэн болно.
  • Хүүхдийг жингийн голд цэх зогсооно. Хөлийн тавхайн зураг байвал тэр хэсэгт гишгүүлээд жингийн дэлгэцэн дээр жин гарах хүртэл зогсож байхыг анхааруулна.
  • Хүүхдийн жингийн нарийвчлалыг 100 гр-аар тооцож бичнэ


 
 

Өргөдөл гомдол хүлээн авах ажилтан



Холбоо барих